Sbs Tamil - Sbs

Monash IVF மையத்தில் செயற்கை முறையில் கருவுறுதல் சிகிச்சை பெற்று கொண்ட பெண் ஒருவருக்கு அத்தம்பதியினரின் கருவிற்கு பதிலாக தவறுதலாக வேறொரு தம்பதியினரின் கரு அவரின் கருப்பையில் வைக்கப்பட்டது தற்போது தெரியவந்துள்ளது. தவறாக வைக்கப்பட்ட கருவை சுமந்து அப்பெண் குழந்தையை பெற்றெடுத்துள்ளார். இது குறித்த செய்தியின் பின்னணியை தருகிறார் செல்வி.

எதிர்க்கட்சித் தலைவர் பீட்டர் டட்டனை குறிவைத்து பயங்கரவாத சதித்திட்டம் தீட்டியதாக மாணவன் மீது குற்றம்சாட்டப்பட்டுள்ளது. இதுகுறித்த செய்தியைத் தருகிறார் றேனுகா துரைசிங்கம்.

முன்னாள் அமைச்சர் பிள்ளையான் கைது செய்யப்பட்டுள்ளார்; பயங்கரவாத எதிர்ப்புச் சட்டத்தினை நீக்கக்கோரி நாடாளுமன்றத்தில் கருத்து வெளியிடப்பட்டது; அமெரிக்காவின் அதிகரித்த வரி விதிப்பு தொடர்பில் அதிபர் அநுரகுமார திசாநாயக்க தலைமையில் அனைத்துக்கட்சி கூட்டம் நடைபெற்றது. இவை உள்ளிட்ட செய்திகளோடு “செய்தியின் பின்னணி” நிகழ்ச்சிக்காக விவரணமொன்றை முன்வைக்கிறார் நமது இலங்கைச் செய்தியாளர் மதிவாணன்.

SBS தமிழ் ஒலிபரப்பின் இன்றைய (புதன்கிழமை 11/04/2025) செய்திகள். வாசித்தவர் : செல்வி.

தமிழ்நாட்டின் நீலகிரி மாவட்டம் கோத்தகிரியைச் சேர்ந்தவர் முனைவர் ரயீஸ் முகமது அவர்கள். தூய்மைப் பணி தொடர்பான ஆய்வினை மேற்கொண்ட அவர், பின்னர் அதே தூய்மைப் பணியில் இறங்கினார். Kotagiri Septic Tank Cleaning Services என்ற நிறுவனத்தை நடத்தி வரும் ரயீஸ் முகமது, தலித் கேமரா எனும் சமூக ஊடக முன்னெடுப்பின் மூலமாகவும் அறியப்படுகிறார். சென்னை பல்கலைக்கழகத்தில் உதவிப் பேராசிரியராகவும் தென்னாப்பிரிக்காவின் சவுத்தாம்ப்டன் பல்கலைக்கழகத்தில் முனைவர் பட்ட மேலாய்வாளராகவும் பணியாற்றியவர் ரயீஸ் முகமது அவர்கள். அவரை சந்தித்து உரையாடுகிறார் நமது தமிழக செய்தியாளர் தமிழ்ப் பிரபாகரன்.

விலைவாசி உயர்வு என்பது அனைத்து கட்சிகளாலும், சுயேட்சை உறுப்பினர்களாலும் தேர்தல் பிரச்சாரத்தில் முக்கிய பிரச்சனையாக பேசப்பட்டு வருகிறது. இது குறித்து பல வாக்குறுதிகளும் வழங்கப்பட்டுவருகின்றன. இந்த பின்னணியில் Cost of Living எனப்படும் விலைவாசி உயர்வு குறித்து முக்கிய கட்சிகள் முன்வைக்கும் கொள்கைகள் குறித்த ஒரு பார்வை. ஆஸ்திரேலிய அரசியல் குறித்து சமூக ஊடகங்களில் எழுதிவரும் முரளி அவர்களின் கருத்துக்களோடு நிகழ்ச்சியை முன்வைக்கிறார் றைசெல்.

Disability advocates and experts say cultural stigma and migration laws leave migrants living with disability further excluded and marginalised. - மாற்றுத்திறனாளிகள் வன்முறை, முறைக்கேடு, புறக்கணிப்பு மற்றும் சுரண்டல் உள்ளிட்ட பாகுபாடு மற்றும் ஓரங்கட்டலை எதிர்கொண்டதாகக் 2023 - ஆம் ஆண்டில் ராயல் கமிஷன் விசாரணையில் கண்டறியப்பட்டது.

லேபர் அரசு மீண்டும் தேர்ந்தெடுக்கப்பட்டால், வீடுகளில் சோலார் மூலம் பெறப்படும் மின்சாரத்தை சேமிக்க பேட்டரிகளை ஒருவர் வாங்கும்போது அரசு 30% மானியம் வழங்கும் என்று லேபர் கட்சி அறிவித்துள்ளது. அத்துடன் எரிசக்தி விலை குறைப்பில் லிபரல்-நேஷனல் எனும் Coalitionயின் பார்வை, கிரீன்ஸ் கட்சியின் பார்வை என்ற தகவல்களோடு செய்தியின் பின்னணி நிகழ்ச்சி.

காங்கிரஸ் கட்சியின் மூத்த தலைவரான குமரி அனந்தன் அவர்கள் சென்னையில் காலமானார். அவருக்கு வயது 93. குமரி அனந்தன் எளிமையான வாழ்க்கையை வாழ்ந்தவர்; தமிழுக்கு அவர் ஆற்றிய பணிகளுக்காக 'இலக்கியச் செல்வர்' என்று பாராட்டப்பட்டவர். இந்திய நாடாளுமன்றத்தில் முதன் முதலில் தமிழில் பேசி சாதனை படைத்தவர் குமரி அனந்தன் அவர்கள். அவர் SBS தமிழ் ஒலிபரப்புக்கு 2011 ஆம் ஆண்டு இலக்கிய விருந்து படைக்கும் நேர்முகம் ஒன்றை தொலைபேசி வழி வழங்கியிருந்தார். அந்த நேர்முகத்தின் மறு ஒலிபரப்பு இது. அவரோடு உரையாடியவர்: றைசெல்.

வீடுகளில் பலர் நாய் பூனை மீன் போன்றவற்றை வளர்ப்பதை நாம் அறிவோம்... ஆனால், குயின்ஸ்லாந்து மாநிலத்தின் Rockhampton என்ற இடத்தில் வசிக்கும் சாகித்தியன் சந்திரகாந்தன் என்ற ஒரு தமிழ் இளைஞர், புறா வளர்க்கிறார். அது மட்டுமன்றி அந்தப் புறாக்கள் பந்தயப் போட்டிகளில் கலந்து கொள்ளப் பயிற்சியும் கொடுக்கிறார். புறா வளர்ப்பில் ஈடுபட்டிருக்கும் சாகித்தியன் சந்திரகாந்தன் தனது அனுபவத்தை குலசேகரம் சஞ்சயனுடன் 2021ஆம் ஆண்டு பகிர்ந்து கொண்டார். அந்த நேர்காணலின் மறு ஒலிபரப்பு இது.

Child care குழந்தைப் பராமரிப்புத் துறையில் நிலவும் பிரச்சனைகளை சமீபத்திய புலனாய்வு அறிக்கை வெளிப்படுத்தியதை தொடர்ந்து குழந்தைப் பராமரிப்புத் துறை தொடர்பான ராயல் கமிஷன் விசாரணை தேவை என்ற குரல்கள் வலுத்து வருகின்றன. இது குறித்து SBS News-இற்காக Tallulah Brassil ஆங்கிலத்தில் எழுதிய விவரணத்தை தமிழில் தருகிறார் செல்வி.

ஆஸ்திரேலியா மற்றும் உலகின் இன்றைய முக்கிய நிகழ்வுகள்: 10 ஏப்ரல் 2025 வியாழக்கிழமை. வாசித்தவர்: றைசெல்.

'ஆஸ்திரேலிய தலைவர்கள் அறிவோம்' தொடரில் பிரதமர் Anthony Albanese பற்றி அறிந்துகொள்வோம். முன்வைப்பவர் றேனுகா துரைசிங்கம். நிகழ்ச்சித் தயாரிப்பு றைசல்.

தமிழக ஆளுநர் தமிழக அரசின் சட்டங்களுக்கு ஒப்புதல் தராமல் நிறுத்தி வைத்தது சட்டவிரோதம் என உச்ச நீதிமன்றம் தீர்ப்பளித்தது; மார்க்சிஸ்ட் கம்யூனிஸ்ட் கட்சிக்கு புதிய தலைமை; மத்திய பிரதேசத்தில் பாதிரியர்கள் மீது தாக்குதல்; தொடரும் வக்பு வாரிய மசோதா விவாதம், மணிப்பூர் நிலவரம் தொடர்பாக நாடாளுமன்றத்தில் நள்ளிரவு விவாதம்; சமையல் எரிவாயு சிலிண்டர் விலை உயர்வு உள்ளிட்ட செய்திகளின் பின்னணியை முன்வைக்கிறார் நமது தமிழக செய்தியாளர் தமிழ்ப் பிரபாகரன்.

தமிழ்க் கலை மற்றும் பண்பாட்டுக் கழகம் எதிர்வரும் மே 4 சிட்னியில் சித்திரைத் திருவிழாவை கோலாகலமாக கொண்டாடுகிறது. இந்நிகழ்ச்சியில் கலந்துகொள்வதற்காக நாட்டுப்புற இசைக்கலைஞர் தேவக்கோட்டை அபிராமி சிட்னி வருகை தரவுள்ளார். அவருடன் தொலைபேசி வழி உரையாடுகிறார் றேனுகா துரைசிங்கம்.

தாம் ஆட்சிக்கு வந்தால் ஆஸ்திரேலியாவிற்கு வரும் வெளிநாட்டு மாணவர்களின் எண்ணிக்கை சுமார் 80 ஆயிரத்தால் குறைக்கப்படும் என Coalition- எதிர்க்கட்சிக் கூட்டணி அறிவித்துள்ளது. இதுகுறித்த செய்தியின் பின்னணியை எடுத்துவருகிறார் றேனுகா துரைசிங்கம்.

SBS தமிழ் ஒலிபரப்பின் இன்றைய (புதன்கிழமை 09/04/2025) செய்திகள். வாசித்தவர் : செல்வி.

குயின்ஸ்லாந்து பெண் ஒருவர் பங்களாதேஷில் கொலைசெய்யப்பட்டுள்ளதாக கூறப்படும் செய்தி குறித்த பிந்திய விவரங்களைத் தருகிறார் றேனுகா துரைசிங்கம்.

ஆஸ்திரேலிய நாடாளுமன்றத் தேர்தல் தொடர்பில் Roy Morgan ஆய்வு நிறுவனம் நடத்தியுள்ள சமீபத்திய கருத்துக்கணிப்பு முடிவில் ஆளும் லேபர் கட்சி முன்னிலை பெற்றுள்ளது. இதுகுறித்த செய்தியைத் தருகிறார் றேனுகா துரைசிங்கம்.

ஆஸ்திரேலியா மற்றும் உலகின் இன்றைய முக்கிய நிகழ்வுகள்: 08 ஏப்ரல் 2025 செவ்வாய்க்கிழமை வாசித்தவர் குலசேகரம் சஞ்சயன்.