Abbyr Shen Reesht - Say That Again

Shiaghtin ghiare 'sy Ghaelg reesht ee, agh ta caa dooin clashtyn fer jeh ny arraneyn ennoil va scruit son Mooinjer Veggey as vees ry gheddyn 'sy chaglym, Roie Mygeayrt. Ta Phil Gawne soilshaghey magh dooin ny fockleyn as ta shin clashtyn yn arrane hene ayns 'Goll as Gaccan'. Ayns meer elley ass Dracula liorish Bram Stoker, ta Mina Harker feddyn magh veih'n Olloo Van Helsing dy vel dy jarroo reddyn dorraghey 'sy theihll jeh'n lheid ren ee lhaih ayns lioar laa y dooinney sheshey eck, Jonathan, veih'n traa v'eh ayns Cashtal Dracula. It's a short week in Manx again, but we have an opportunity to hear one of the popular songs that were written for Mooinjer Veggey and which is to be found in the collection, Roie Mygeayrt. Phil Gawne explains to us the words and we hear the song itself in 'Goll as Gaccan'. In another extract from Dracula by Bram Stoker, Mina Harker finds out from Professor Van Helsing that there are indeed dark things in the world of the sort which sh

Ga dy vel Radio Vannin goaill stiagh meeryn 'sy Ghaelg ooilley yn traa, cha row monney meeryn s'lhiurey er y chiaghtin shoh chaie - veg, dy jarroo, agh episode elley jeh Dracula liorish Bram Stoker 'sy chyndaays 'sy Ghaelg vees ry chlashtyn ayns 'Claare ny Gael'. Cha row 'Traa dy Liooar' ny 'Kiaull as Cooish' goll er coontey Radio TT, cha nel 'Shiaght Laa' goll ec y traa t'ayn, as cha row meer er-lheh 'sy Ghaelg ayns 'Goll as Gaccan', myr shoh son dhooraght ta shin clashtyn recortys jeant jeh Ned Maddrell 'sy thie echey tra v'eh 84 bleeaney dy eash (ec y toshiaght t'eh jannoo marran, gra dy row eh ruggit (18)87, agh ayns rieughid v'eh '77. Although Manx Radio includes pieces of the Manx Gaelic all the time, there weren't many longer pieces during last week - nothing, indeed, but another episode from Dracula by Bram Stoker in the translation into the Manx Gaelic that can be heard in 'Claare ny Gael'. 'Traa dy L

Er yn chiaghtin va'n Cohaglym Celtiagh Eddyr-Ashoonagh goll er cummal ayns Nerin, agh gyn chaghter Vannin y cheayrt shoh. Ny yeih, va recortys jeant jeh lessoon ass y Vible son shirveish, as ta shin clashtyn shen. Ayns 'Kiaull as Cooish', she'n kiaull ta'n chooish vees Daniel Quayle cheet er son y chooid smoo choud's t'eh loayrt mychione kiaull noa-chlouit as mychione ny kiaulleyderyn hene. 'Sy chyndaays ain 'sy Ghaelg jeh Dracula liorish Bram Stoker ayns 'Claare ny Gael', ta shin clashtyn meer ass pabyr naight ayns Lunnin, as eisht ta chaghteraghtyn goll eddyr yn Olloo Van Helsing as Mina Harker.  On the week the International Celtic Congress was being held in Ireland, but without a Manx delegate on this occasion. Despite that, a recording was made of a lesson out of the Bible for a service, and we hear that. In 'Kiaull as Cooish', it's the music that's the subject matter that Daniel Quayle is referring to for the most part as he talks about n

Ta Daniel Quayle ginsh dooin mychione recortyssyn noa as ny cloiederyn ocsyn v'ad jeant son y chooid smoo ayns 'Kiaull as Cooish'. Er y gherrid va co-haglym feer vie bentyn da glare as y co-voodeeys ayns Ellan Vannin reaghit ec yn Dr Chris Lewin. Mastey ny loayrtee va'n Dr Ben O'Ceallaigh, as ayns 'Goll as Gaccan' v'eh loayrt rish Phil Gawne 'sy Ghaelg. Ta shin fosley ny duillagyn jeh chyndaays 'sy Ghaelg jeh Dracula liorish Bram Stoker ayns 'Claare ny Gael' son episode elley ass yn lioar ard-ghooagh shen. Daniel Quayle tells us about new recordings and the musicians by whom they've been made for the most part in 'Kiaull as Cooish'. Recently there was a very good conference on language and society in the Isle of Man organised by Dr Chris Lewin. Amongst the speakers was Dr Ben O'Ceallaigh, and in 'Goll as Gaccan' he talks with Phil Gawne in the Manx Gaelic. We open the pages of the translation into the Manx Gaelic of Dracula by Bram Stoke

Ta Daniel Quayle ginsh dooin ooilley mychione ny possanyn ta clou recortyssyn noa jeh kiaull tradishoonagh ec y traa t'ayn, as kuse dy henn reih-charryn neesht, as paart dy chiaull elley neesht, ayns 'Kiaull as Cooish'. Ta Simon Clarke marish Phil Gawne reesht son 'Goll as Gaccan'. Ayns 'Claare ny Gael' ta shin mysh yn lieh-raad trooid yn lioar ard-ghooagh, Dracula, scruit ec Bram Stoker, agh ayns chyndaays 'sy Ghaelg. Daniel Quayle is telling us all about the groups who are publishing new recordings of traditional music at the present time, and several old favourite tunes as well, and some other music as well, in 'Kiaull as Cooish'. Simon Clarke is with Phil Gawne again for 'Goll as Gaccan'. In 'Claare ny Gael' we are about half-way through the famous book, Dracula, written by Bram Stoker, but in a translation into the Manx Gaelic.

Ta keayrtagh ec Daniel Quayle ayns 'Kiaull as Cooish' reesht, y cheayrt shoh dy loayrt mychione y chiaull t'ee cloie as t'ee cummey neesht. Va'n Cheshaght Ghaelgagh jeean dy ghreinnaghey sleih dy loayrt yn Ghaelg liorish cur ad fo loo, myr ta shin clashtyn ayns 'Goll as Gaccan' marish Phil Gawne. 'Sy chyndaays ain 'sy Ghaelg jeh Dracula liorish Bram Stoker, ta Lucy Westenra er n'gheddyn baase as t'ee er chee ve oanluckit, myr ta shin clashtyn ayns 'Claare ny Gael'. Daniel Quayle has a visitor in 'Kiaull as Cooish' again, this time to talk about the music that she plays and that she composes. Yn Cheshaght Ghailckagh was keen dy encourage people to speak Manx by having them take an oath, as we hear in 'Goll as Gaccan' with Phil Gawne. In our translation into the Manx Gaelic of Dracula by Bram Stoker, Lucy Westenra has died as she is about to be buried, as we hear in 'Claare ny Gael'.

Va keayrtagh loayrt rish Daniel Quayle ayns 'Kiaull as Cooish' yn chiaghtin shoh, as ta shin feddyn magh mychione co-haglym symoil vees ayn dy gerrid. Ta shin jeeaghyn reesht er episode elley ass Dracula liorish Bram Stoker ayns 'Claare ny Gael'. There was a guest talking with Daniel Quayle in 'Kiaull as Cooish' this week, and we find out about an interesting conference that will be held shortly. We are looking again at another episode from Dracula by Bram Stoker in 'Claare ny Gael'.

Ta claare Daniel Quayle, 'Kiaull as Cooish', jeeraghey ny smoo er kiaull noa 'sy chummey noa eck, agh fod mayd eaishtagh foast rish meeryn as cooishyn cadjin erbee elley goll er imraa ec Daniel - as shen yn aght ayns shoh. Ayns 'Goll as Gaccan', va Phil Gawne as Simon Clarke jerkal rish goaldee 'sy teyrlann, agh atreih, cha row Paul Rogers ayns slaynt vie, as myr shoh v'eh sthie marish e ven, Anna, as va coloayrtys er y chellvane eddyr ooilley yn chiare jeu, as veih shen ta shin clashtyn co-chiaull yn arrane scruit ec Paul, son Oie Voaldyn, as lurg shen ta shin clashtyn y clane arrane, as Paul as Anna goaill arrane (ny yeih nagh row shen 'sy chlaare!). Ta shin fosley duillagyn y chyndaays ain 'sy Ghaelg jeh Dracula reesht ayns 'Claare ny Gael'. Daniel Quayle's programme, 'Kiaull as Cooish', focusing more on new music in its new format, but we can still listen to extracts when any other general topics are mentioned by Daniel - and that's the way of i

Ta meeryn ass daa chlaare reesht er-nyn-son. Hoshiaght ta shin chlashtyn Daniel Quayle as yn chlaare echey, 'Kiaull as Cooish', jeant eddyr y BBC as Radio Vannin, as vees goll er skeayley-magh fastyr Jeheiney eddyr 5pm as 6pm er Radio Vannin AM1368. Eaisht ta shin clashtyn paart jeh skeeal ass 'Claare ny Gael', vees ry chlashtyn fastyr beg Jedoonee veih 6pm gys 7pm, as aynjee ta shin clashtyn episodeyn ass Dracula liorish Bram Stoker. There are pieces out of two programmes for us again. First we hear Daniel Quayle as his programme, 'Kiaull as Cooish', a co-production of the BBC and Manx Radio, and which is broadcast on Friday afternoon between 5pm and 6pm on Manx Radio AM1368. Then we hear part of a story from 'Claare ny Gael', which is to be heard on Sunday evening from 6pm to 7pm, and it it at the present time we are hearing episodes from Dracula by Bram Stoker.

Ta shin goaill toshiaght lesh 'Kiaull as Cooish', as cha nel Daniel Quayle ny lomarcan y cheayrt shoh. Cha nel reddyn jeeaghyn dy ve goll ro vie ec Lucy Westenra 'sy chyndaays ain 'sy Ghaelg jeh Dracula liorish Bram Stoker, vees ry chlashtyn ayns 'Claare ny Gael'. We begin with 'Kiaull as Cooish', and Daniel Quayle isn't alone this time. Things don't appear to be going too well for Lucy Westenra in our translation into the Manx Gaelic of Dracula by Bram Stoker, which is to be heard in 'Claare ny Gael'.

Ta three claareyn er-nyn-son y cheayrt shoh, as hoshiaght ta shin cur cleaysh da 'Kiaull as Cooish', ta'n ennym noa er claare jeant eddyr y BBC as Radio Vannin fastyr Jeheiney, as nish ta Daniel Quayle er chur e chummey hene urree, as t'eh cur cuirrey orrin dy ghoaill ayrn marish 'sy chlaare. Ta shin clashtyn kuse dy Ghaelgeyryn aegey ayns 'Goll as Gaccan', lesh recortyssyn jeant ec Phil Gawne as ta Simon Clarke reaghey dy chloie ad 'sy teyrlann. Ayns 'Claare ny Gael' ta episode elley ain jeh Dracula liorish Bram Stoker ayns chyndaays 'sy Ghaelg. There are three programmes for us this time, and first we lend an ear to 'Kiaull as Cooish', which is a new name for the BBC/Manx Radio co-production on Friday afternoon, and now Daniel Quayle has put his own stamp on it, and he extends an invitation to us to participate with him in the programme. We here several young Manx-speakers in 'Goll as Gaccan', with recordings made by Phil Gawne and Simon Clarke ar

Ga nagh vel meeryn ry chlashtyn ayns shoh ass 'Traa dy Liooar' (claare vees jeant fastyr Jelune eddyr yn BBC as Radio Vannin) ny ass 'Goll as Gaccan' y cheayrt shoh, t'adsyn, myr ymmodee claareyn elley, ry chlashtyn rish shiaghtin lurg daue goll er skeayley-magh trooid ynnyd eggey Radio Vannin, Er Aggyrt. Y cheayrt shoh ta shin clashtyn Daniel Quayle, as eh cur feyshtyn orrin ayns 'Jamys Jeheiney' (claare elley ee vees goll er jannoo eddyr yn BBC as Radio Vannin) as episode elley jeh chyndaays 'sy Ghaelg jeh Dracula, as shen ry chlashtyn, shiaghtin er shiaghtin, ayns 'Claare ny Gael'.  Although there are not any extracts to be heard here from 'Traa dy Liooar' (a co-production which is presented on Monday afternoon between the BBC and Manx Radio) or from 'Goll as Gaccan' on this occasion, they are, like many other programmes, to be heard for a week after they have been broadcast through the Manx Radio website, On Demand. This time we hear Daniel Q

Ayns 'Jamys Jeheiney' ta Daniel Quayle er n'aarlaghey y gamman Kianglaghyn Kiaullee reesht er-nyn-son - cre oddys y kiangley y ve ayns claare vees goll er skeayley-magh Laa'l Pharick? Cha nel meer er-lheh 'sy Ghaelg ass 'Goll as Gaccan' er-nyn-son y cheayrt shoh, myr shoh ta shin goll dy jeeragh gys episode elley ass Dracula liorish Bram Stoker 'sy chyndaays ain 'sy Ghaelg, as vees ry chlashtyn ayns 'Claare ny Gael'.  In 'Jamys Jeheiney' Daniel Quayle has prepared the game Kianglaghyn Kiaullee (Musical Connections) again for us - what can the connection be in a programme which is being broadcast on St Patrick's Day? There's not a specific piece in the Manx Gaelic from 'Goll as Gaccan' for us this time, so we go directly to another episode from Dracula by Bram Stoker in our translation in the Manx Gaelic, and which is to be heard in 'Claare ny Gael'.

Beggan anmagh, agh share anmagh na arragh, foddee! Agh son shen as ooilley, cha nel agh meeryn ass daa chlaare ain y cheayrt shoh. Cha nel shin dy cadjin clashtyn veg ass 'Traa dy Liooar', claare jeant eddyr yn BBC as Radio Vannin, vees goll er skeayley-magh er Radio Vannin AM1368 fastyr Jelune eddyr 5.00pm as 6.00pm, as cha nel 'Shiaght Laa' goll ec y traa t'ayn. Chammah's shen, cha row meer er-lheh 'sy Ghaelg ayns 'Goll as Gaccan' fastyr Jedoonee eddyr 4.00pm as 6.00pm. Agh ta Daniel Quayle cur doolane foin lesh Kianglaghyn Kiaullee ayns 'Jamys Jeheiney', as claare elley ee jeant eddyr yn BBC as Radio Vannin, as eisht ta meer elley ass chyndaays 'sy Ghaelg jeh Dracula liorish Bram Stoker, as shinyn bunnys yn lieh-raad trooid yn lioar shen nish ayns 'Claare ny Gael'. A little late, but better late than never, perhaps! But for all that, there are only excerpts from two programmes this time. We don't usually hear anything from 'Traa dy Liooar'

Ta Daniel Quayle cur doolane foin lesh un ghamman y cheayrt shoh ayns 'Jamys Jeheiney', as she Kianglaghyn Kiaullee ta ry chlashtyn, lesh three arraneyn 'sy ghamman shen. Ta arrane er-nyn-son ayns 'Goll as Gaccan' neesht, fer jeusyn va reaghit son Mooinjer Veggey, as ta Phil Gawne soilshaghey magh ny fockleyn da Simon Clarke 'sy teyrlann as dooinyn ayns nyn dhieyn hene. 'Sy veer ain jeh'n chyndaays 'sy Ghaelg jeh Dracula ayns 'Claare ny Gael', ta'n Fer Lhee John Seward as yn Olloo Van Helsing boirit mychione Lucy Westenra, as t'ad er hiyraghey gys y thie eck. Agh cha nel freggyrt erbee ry gheddyn, as myr shoh t'eh orroo brishey stiagh ayn.  Daniel Quayle challenges us with one game this time in 'Jamys Jeheiney', as it's Kianglaghyn Kiaullee (Musical Connections) that can be heard, with three songs in that game. There's a song for us in 'Goll as Gaccan' as well, one of those that was arranged for Mooinjer Veggey, and Phil Gaw

Shoh yn chlaare s'jerree 'sy straih shoh jeh 'Shiaght Laa', as she Fiona McArdle vees dy chebbal. Ta Daniel Quayle cur cuirrey er sleih freggyrtyn y chur stiagh da ny gammanyn echey, Cre'n Vlein? as Kianglaghyn Kiaullee ayns 'Jamys Jeheiney'. Ayns 'Goll as Gaccan' ta shin clashtyn shenn raaghyn creeney vees goll er lhaih magh ec Phil Gawne as eisht ta shin clashtyn arrane jeant son Mooinjer Veggey as ta Phil goll trooid ny fockleyn er-nyn-son. Ta meer elley ass yn chyndaays 'sy Ghaelg jeh Dracula liorish Bram Stoker ayns 'Claare ny Gael'. This is the final programme in this series of 'Shiaght Laa', and it's Fiona McArdle who is presenting it. Daniel Quayle is issuing an invitation to people to send in answers to his games, Cre'n Vlein? (What's the Year?) and Kianglaghyn Kiaullee (Musical Connections) in 'Jamys Jeheiney'. In 'Goll as Gaccan' we hear old wise sayings which are read out by Phil Gawne and then we hear a song prod

She Maralyn Crellin vees chebbal 'Shiaght Laa' er-nyn-son y cheayrt shoh. Ta Daniel Quayle ny lomarcan 'sy teyrlann choud's t'eh chebbal 'Jamys Jeheiney' yn shiaghtin shoh, agh ta daa ghamman echey as cuirrey er sleih goaill ayrn ayndaue. Ayns 'Goll as Gaccan' ta shin clashtyn bit beg elley jeh oraid Adrian Cain tra v'eh lhunney chyndaays 'sy Ghaelg jeh lioar liorish Tom Palmer, as ta arrane 'sy Ghaelg ry chlashtyn neesht, as ta Phil Gawne goll trooid ny fockleyn er-nyn-son. Ta chaghteraght cheet dy anmagh son yn Er Lhee John Seward veih'n charrey as shenn vainshtyr echey, yn Olloo Van Helsing. Ta shin clashtyn mychione ny haghyr veih penn Lucy Westenra, choud's ta shin geaishtagh rish meer elley ass chyndaays 'sy Ghaelg jeh Dracula, vees ry chlashtyn ayns 'Claare ny Gael'. It's Maralyn Crellin who presents 'Shiaght Laa' for us this time. Daniel Quayle is alone in the studio as he presents 'Jamys Jeheiney' this week, but

Ayns 'Shiaght Laa' ta shin clashtyn mychione Fiona McArdle cheet dy ve Reih Bleeaney Vanannan as mychione yn aght ta schleiyn ass tradishoonyn elley cheet as goll ayns cultoor bio. Cha nel Daniel Quayle ny lomarcan y cheayrt shoh ayns 'Jamys Jeheiney', agh ta shin foast cloie daa ghamman marish. Shiaghtin ny ghaa er dy henney, ren Adrian Cain lhunney yn chyndaays echey 'sy Ghaelg jeh lioar liorish Tom Palmer. Ta shin clashtyn tooilley jeh shen ayns 'Goll as Gaccan'. Ass lioar elley, Dracula liorish Bram Stoker, as ayns chyndaays 'sy Ghaelg j'ee neesht, ayns 'Claare ny Gael' ta shin clashtyn mychione moddey oaldey ren scapail as mychione surransagh yn Er Lhee John Seward 'sy thie baanrit echey. In 'Shiaght Laa' we hear about Fiona McArdle becoming Reih Bleeaney Vanannan and about the way that skills from other traditions come and go in a living culture. Daniel Quayle isn't alone this time in 'Jamys Jeheiney', but we still play two games with

She Fiona McArdle vees chebbal 'Shiaght Laa' yn shiaghtin shoh, choud's ta Daniel Quayle 'sy teyrlann keayrt elley dy hebbal 'Jamys Jeheiney', lesh daa ghamman er-nyn-son. She Custal Lewin ta keayrtagh Phil Gawne as va coloayrtys liauyr as feer anaasagh eddyr oc, agh veg agh faaishnys ny hemshyr 'sy Ghaelg, myr shoh er oaie gys 'Claare ny Gael', aynjee ta shin clashtyn foddee nagh vel y freilleyder gennal ayns ny Garagheyn Baagh-Oayllagh, Thomas Bilder, cho gennal as v'eh jeeaghyn dy ve, agh ta shin clashtyn mychione scapail y voddey oaldey lheeah ass yn Norlann, Bersicker, as mychione yn dooinney quaagh va 'syn ard.  It's Fiona McArdle who presents 'Shiaght Laa' this week, whilst Daniel Quayle is in the studio once again to present 'Jamys Jeheiney', with two games for us. Phil Gawne's guest is Christopher Lewin in 'Goll as Gaccan' and there was a long and very interesting conversation between them, but only the weather forecast

Mastey ny meeryn ass 'Shiaght Laa', ta Maralyn Crellin ginsh dooin beggan mychione ennym y valley beg cheerey, Purt Chiarn. Ta caa dooin cloie Kianglaghyn Kiaullee as Cre'n Vlein? marish Daniel Quayle ayns 'Jamys Jeheiney'. Chammah's coraa Phil Gawne y cheayrt shoh ayns 'Goll as Gaccan', ta shin clashtyn Adrian Cain as eh loayrt mychione lioar t'eh kiart er hyndaa. Ta moir Lucy Westenra smooinaghtyn dy row ee cooney lesh e 'neen, agh ta'n Olloo Van Helsing boirit dy mooar, as ta'n meer shoh jeh chyndaays 'sy Ghaelg jeh Dracula liorish Bram Stoker vees ry chlashtyn ayns 'Claare ny Gael'. Amongst the pieces from 'Shiaght Laa', Maralyn Crellin tells us a little about the name of the village, Port Erin. We have an opportunity to play Kianglaghyn Kiaullee (Musical Connections) and Cre'n Vlein? (What's the Year?) with Daniel Quayle in 'Jamys Jeheiney'. As well as the voice of Phil Gawne in 'Goll as Gaccan', we hear Adrian C