Fjordingen På Flo Skue

I den tredje utgåva av Sport und Spaß er Jarle F. Konstali-Lødemel hovudgjest. Vi har også besøk av turnentusiastane Are Njøten og Arve Aaning, og Manchester City supporter Jens Christian Skrede. I sendinga mimrar vi dessutan saman med Nina Kristin Flo, no óg med etternamnet Mørkved, om tida som fotballspelar på norsk toppnivå. Og med oss frå Åre og alpint VM er stryningen og TV2 mannen Frode Sunde.

Denne gongen er det tidlegare landslagstrenar i langrenn, Sjur Ole Svarstad som er hovudgjest. Svein Olav Solum fortel om sin lidskap til Everton i spalta Kveldens blodfan og Åse Ørjasæter blir med og mimrar om åra då ho var i verdstoppen i speedskiing. Vi snakkar også med Odd Sindre Tonning som har fått draume-sommarjobben for ein som utdannar seg til sportsjournalist og elskar Liverpool.

Første sendinga til Sport und Spaß! Høyr Johannes Thingnes Bø fortelje om kva som betyr mest av VM-medalje og verdscupsiger samanlagt. Johann Sigurdsson fortel om då han merka at gløden for fotball for alvor vaks fram. Ronny Heggen mimrar om tida som ein av landets beste junior-skihopparar og Jens Arne Isehaug fortel om sitt forhold til Manchester United.

I denne episoden kan du høyre korleis Emma Craigs vart til Emma Hjelle. Den humørfylte dama frå England som innleia flørten med Lorentz i samband med den faste kaffistoppen ved Hjelle hotel då ho var turbuss-guide. Høyr også om vikingfunnet som på mystisk vis bind Hjelle og heimstaden hennar i Nord-England saman, om norske kvinner i BH, korleis det er å lære seg nordfjord-dialekt og eit frieri med litt for mykje bagasje og litt for få roser involvert.

I denne episoden er det Bjørn Lødemel som har slått følge til utkikspunktet Flo skue. Den avtroppande stortingspolitikaren frå Hornindal fortel om medgang og motgang som Høgre-politikar, tankar for framtida og korleis han opplevde å ikkje lenger ha tillit hos sine eigne då han vart vraka som fylket sin toppkandidat til Stortinget for den komande perioden.

I denne femte episoden av Fjordingen på Flo skue har journalist Roy Aron Myklebust klart å lokke med seg sjølvaste ordføraren i Stryn, Sven Flo, til utkikspunktet. Han fortel om oppvekst i Oslo med den frykta Tveita-gjengen rett rundt hjørnet, om draumen om å ein gong bli bonde, om karriera i forsvaret og interessa for baking. Flo er inne i sitt 6. år som ordførar i Stryn. Korleis enda han opp i denne jobben eigentleg? Er han i slekt med fotballspelarane med same etternamn? Svara får du kanskje i denne podcast-episoden! NB! Vi beklagar at deler av intervjuet er prega av sterk vind denne dagen.

Gjest på Flo skue denne gongen er podcasten sin yngste så langt. 17-åringen Frida Dragsund frå Loen har nettopp lagt bak seg eit år som utvekslingsstudent i Colorado i USA, og der har ho på mange måtar levd ut High school musical-livet som ho sat klistra til TV-skjermen og såg på som barn. Den sprudlande jenta, der latteren aldri er langt unna, fortel om ein litt annleis vertsfamilie, om cheerleading og om korleis det amerikanske skulesystemet skiljer seg frå det norske. Korleis det var å kome til USA midt i innspurten av presidentvalget og om fordomane til USA slo til? Ja, det får du også høyre i denne podcasten.

John Olav Lefdal (53) tente sine første kroner som 4-åring og var i full jobb etter endt ungdomsskule. Først i faren sin daglegvarebutikk, men etter kvart i sine eigne selskap. Allereie som 23-åring etablerte han det som skulle bli NorDrikk. Eit selskap som fyller 30 år til hausten og som går betre enn nokon gong. Men Lefdal likar å sjonglere mange ballar og sidan 1987 har det blitt både verft, hotell, salg av eksklusive båtar og cruise. Han har nokre av landets rikaste på kundelista og vart norgeskjent då han tok artisten Adele med på båttur i Oslofjorden. I fjor var han organisator og vertskap då verdsstjerna Justin Bieber ville ha ein fridag i Nordfjord. Høyr Lefdal fortelje om sin forretningstankegang, korleis han tente sine første kroner, ønsket om å skape og grilling av pølser med Justin Bieber.

I den andre podcast-episoden av Fjordingen på Flo skue har Roy Aron Myklebust fått med seg Stryn sin toppscorar gjennom fleire sesongar, Mads Wie. Men fotballspelaren frå Sandane kan meir enn å setje ballen i nettmaskene. Få blant anna gjenhøyr med diktet han skreiv på kvinnedagen og som gjekk sin sigersgang på Facebook, om jobben som førskulelærar og om pappadraumen til ein singel 25-åring.

På denne første turen til utkikspunktet Flo skue har journalist Roy Aron Myklebust invitert med Josefine Agathe Hove. Den snart 25 år gamle frisøren frå Hornindal opplever særs spennande dagar. Til hausten skal ho ta tak i draumen om å bli skodespelar og startar på ein prestisjefull skule i England. Men før ho ein gong er starta på skodespelarutdanninga er ho godt inne i opptak til ein ny dramaserie på NRK! Høyr kva kjente skodespelarar ho skal spele mot, om oppvekst i Jutedalen og om å følge ein draum.